Йиллик инфляция пасайишда давом этмоқда Январь ойи якунлари бўйича ойлик инфляция 0,64%, йиллик инфляция 8,58%ни ташкил этган. Ўтган ойда озиқ-овқатлар 0,7%га, ноозиқ-овқатлар 0,4%га, хизматлар 0,9%га қимматлаган. Муҳим озиқлардан кунгабоқар ёғи 0,9%га, ун 0,5%га, гуруч 0,4%га, шакар 0,3%га, гўшт 0,2%га арзонлагани айтилмоқда. Кўп ишлатиладиган сабзавотлардан помидор (10,4%), пиёз (3,8%) ва картошка (3,1%) қимматлаган. Бензин нархлари ўртача 3,4%га (1,2-6,4%), пропан нархлари ўртача 4,8%га (0,7-11,9%) ошган. Статистикачиларимизга кўра, мобил алоқа хизмталари нархи ўзгармаган, ўтган йилнинг шу даврига нисбатан эса 3,9%га арзонлаган ҳам. Охирги ойларда иккитаси давлат назоратида, биттаси хорижий ва яна битттаси олигархга совға қилинган ўзбек компаниялари ойлик тўлови 35 минг сўмдан арзон бўлган тижорий тарифларни бир вақтда ёпишганини, яъни шу йўл билан нархларни бир вақтда ошириб олишганини Рақобат қўмитасиям, Статагентлик ҳам кўриб, кўрмаганликка олди.