Артикходжаев протекционизмга қарши! Lolazor'нинг навбатдаги сони меҳмони ўзимиз учун ҳам кутилмаганда Жаҳонгир Артикходжаев бўлди. Айтиш керакки, бу галги мулоқотимизни ўзаро баҳс ё дебат ёки мунозара, деб ўйласангиз адашасиз. Ҳокимлик даврини ҳисобламаганда, бу ҳақда меҳмонимизнинг ўзи илтимос қилганди, асосий муҳим деб ҳисобланган саволлар берилди. Жаҳонгир Артикходжаев бу саволларга ўзининг версияси, позициясини ва мулоҳазаларини очиқлади. Шахсан менга, Ўзбекистондаги энг йирик бизнес империялардан бирининг эгаси бўлган Жаҳонгир Артикходжаевнинг протекционизм сиёсати, тор доиралар манфаатлари учун қабул қилинаётган ёпиқ қарорлар, Технопарк бошқаруви кимда эканлиги, Magic city, Пахтакор каби активларга оид битимлар мундарижаси, ОАВ ва медиага нисбатан муносабати қизиқ эди.