​Қирғиз статистикасига ҳавас қиламан Бу очиқлик бўйича биринчи рақамли давлатлар Дания, Норвегия ё Финландия эмас, шундоқ ёнимиздаги Қирғизистон. Аввал ҳам ёзганман, қўшниларимиз статистик маълумотларнинг очиқлиги бўйича доим ҳайрон қолдиради. Масалан, кеча озиқ-овқатлар нархи бўйича маълумот қидираётиб, Қирғизистон Статистика қўмитаси нархлар мониторингини кунлик олиб боришига кўзиб тушди. 18 та шаҳар қирқимида, ҳар куни. Тасаввур қилаяпсизми маълумотлар кенглиги ва чуқурлигини? Ва бу маълумотлар яшириб, ёпиб ўтирилмайди. Ҳаммаси очиқ.