28 февраль куни шохобчаларга газ ва бензин етказиш камайган Кеча 542 та газзаправка орқали 3 725 минг куб газ тарқатилган. Ўтган кунга нисбатан ишлаган газ заправкалар сони 19 тага, сотилган газ ҳажми 46 минг кубга қисқарган (кетма кет иккинчи кун қисқариш). Газ учун суткалаб навбатда турган ҳайдовчиларга кўра ярим тунда бир неча соатга очилаётган газ заправкалар ҳам кеча ишламаган. Ўзбекнефтегаз АЁҚШларга етказиб бераётган бензин ҳажми 4 489 тоннагача камайган, бу ўтган кунга нисбатан 615 тонна кам. Электр энергияси таъминотидаги чекловлар янги рекорд 800 МВтгача етган. Иссиқлик электр станцияларида мазут ёқиш 11,9 минг ттоннагача ошган (+1,1 минг тонна). Мазут ёқиш кўпайганини бузуқ ҳаво рейтингида Тошкент яна дунёда биринчи ўринга чиқиб олганидан ҳам билсангиз бўлади. Бугун ҳаво охирги кунлардаги энг илиқ ҳароратни тақдим этмоқда, лекин эртадан яна ҳавонинг совуши бошланади.