Uzautomotors'ни чегирма беришга нима мажбур қилди? Энергетик кризис? Қиммат бензин? Ёки электромобиллар? Биринчи навбатда, 15 минг доллардан қиммат автомобиллар сегментида муқобил таклифлар (электромобиллар айниқса) кўпайгани монополист ишлаб чиқарувчи ва олиб-сотар Uzautomotors'ни Onix'дан тортиб Tahoe'гача чегирма беришга ундамоқда. Охирги марта монополист 3 йил аввал сотилмай ётган Trailblazer'га чегирма берганди. Иссиқ қиш келганига қарамай давом этаётган энергетик кризис, очофат монополист ва ўғри олигархлар томонидан 92 ва 95 бензин учун ўрнатилган аждарҳо нархлар ўзбекистонлик тўқ истеъмолчиларни Uzautomotors'нинг чегирма таклифларига "йўқ" деб жавоб беришига асос бўла олиши керак. Ўзбек истеъмолчиси энди тинимсиз таланадиган аҳмоқ эмас, кечагина Equinox'ни талашиб, кўзига суртиб олаётганлар очиқ бозорда бундан арзон нархга сифатли ва замонавий электромобиллар олиш мумкинлигини кўзи билан кўрмоқдалар. Хуллас, 15 млн.сўмлик чойчақа чегирмага чув тушманглар, Дарвоқе, Chevrolet Onix'нинг энг қизил нархи 12 минг доллар. Буни мен эмас, монополистнинг ўзи эълон қилган.