Пулнинг нархи ҳақида Марказий банк Пул-кредит сиёсати департаменти директори Нодирбек Очилов Асосий ставка нима, деган саволга оддий тушунтириш ва жавобларидан иборат интервью кенг фойдаланувчилар томонидан, албатта кўрилиши керак. "Марказий банк асосий ставкани белгилаш орқали қисқа муддатли пулнинг нархини белгилайди. Пул нархи қисқа муддатли бўлгани учун хатардан бироз йироқ, рисксиз ҳисобланади – бир кунлик ёки бир ҳафталик пул нархи асосий ставкага яқин шаклланади. Одатда, буларни биз рисксиз фоиз ставкаси деймиз". "Бу ерда муҳим жиҳати – пулнинг вақт доирасидаги қиймати. Қанчалик вақт узоқ бўлган сари пулнинг нархи қимматлашиб, устига фоиз қўшилади". "Асосий ставка ўзгаришсиз сақлаб қолинса, шунча муҳокама нимага керак? Ҳар бир ўзгаришсиз сақлаб қолинган даражанинг орқасида ҳам шунча муҳокама бор. Одатда, ўзгаришсиз сақлаб қолиш ҳақида қарор қилинган мажлисларда кўпроқ муҳокама бўлади". Кўриш учун. Ўқиш учун.