Uzum рақамли экотизими эътиборини ўз сервисларини ривожлантиришга қаратмоқчи Uzum компанияси матбуот хизматининг хабар беришича, Due Diligence жараёни якунлангандан сўнг Uzum директорлар кенгаши Click билан битимдан воз кечишга қарор қилган.  Энди бундан буён Uzum асосий эътиборни ўзининг экотизими базасидаги Финтех ва e-commerce сервисларини ривожлантиришга қаратади. Компаниянинг хабар беришича, Uzum шу бир йил ичида Финтех жамоасини кучайтирди ва активларни сотиб олиш ва бирлаштириш жараёнларини якунлади. Бир йил олдин Uzum рақамли экотизим ҳамда тўлов тизими бирлашиш ва Due Diligence процедурасини бошлаш ҳақидаги режаларини эълон қилган. Унинг натижасида Uzum ва Click битимни тасдиқлаш учун Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасига ариза топширишлари керак бўлган. Аммо ҳозирда Uzum бирлашмаслик ва ўз экотизими ва бренди доирасида сервисларни ривожлантиришга эътибор қаратиш тўғрисида қарор қабул қилган.