Ўртамчи таъминотчилардан воз кечиладими? Сурхондарёлик тадбиркор аёл бизнеси учун 2 дона техникани олиб келтириш учун саккиз ойлаб сарсон бўлганини айтибди. Аксар кичик тадбиркорларга, энди бизнесга кираётганларга бу аянчли ҳолат таниш бўлса керак. Кредит олинганидан сўнг таъминотчининг пайсалга солиши сабабли кўпчилик бу аёл сингари узоқ вақт кутишга мажбур бўлади. Кутиш майли, ўша таъминотчи орқали олинган матаҳ, хом-ашё ва техника каррасига қиммат ҳам бўлади. Ҳар йили ажратилаётган триллионлаб кредитлар тадбиркорлик ва ҳунармандчилик ривожига эмас, кимларнингдир чўнтагига айланган ўртамчи таъминотчиларга хизмат қилмоқда, ўроқда йўқ, машоқда йўқ, хирмонда ҳозир даллолларни бебилиска бойитмоқда холос. Тадбиркорлик учун олинган кредитларни ўртамчи таъминотчилардан минг сарсон бўлиб, яна 3 карра қимматига эмас, исталган жойдан, истаса нақдга, истаса пул ўтказиб, истаса чет элдан олиш танловини бериш вақти келдимикан?