Июль ойида газ импорти 174 баробарига ошган, шундаям газ экспорти тўхтамаган, қайтанга янада ошган Импорт қилинаётган газнинг нархи, унга бюджетдан ажратилаётган субсидиялар, субсидияланган газнинг қанчаси чўнтаклар орқали экспортга қанчадан кетаётгани тўғрисидаги маълумотлар номаълумлигича қолмоқда. Июль ойи давомида 174,2 млн.долларлик газ импорт қилинган. Бу ўтган йилнинг июлига нисбатан 174 карра кўп. 7 ойда импорт қилинган газ қиймати ўтган йилнинг шу даврида импорт қилинганидан қарийб 5 карра кўпроқ. Газ импорти потираб ўсаётганига қарамай, газ экспорти тўхтамаган. Ўтган ойда 81,7 млн.долларлик газ экспорти бўлган. Бу 2023 йилнинг июлига нисбатан 1,3 баробарига кўп. Омборларга газ йиғиш бошлангани ҳақида хабарлар йўқ, шу кунгача қанча газ жамғарилгани ҳам номаълум. Келаётган қишдан мазут билан чиқилиши тобора аёнлашмоқда.. Ташқи савдода бошқа жиддий эврилишлар юз бермаган, шимолдаги босқинчилардан импорт шиддат билан ўсишда давом этмоқда, айниқса ёқилғи энергетика маҳсулотлари бўйича, бу кетишда шимолликлар Хитойни ортда қолдириб яна биринчи рақамли савдо ҳамкорига айланади. Қўшнилар ва Туркия билан савдо ҳажми қисқариши тўхтамаган, июлда  ҳам олтин экспорт қилинмаган