Газ? Нефть? Дизель? Пропан? Ўзбекистонда июль ойи якунлари бўйича саноат статистикаси эълон қилинмади Газ ва нефть қазиб олиш қисқаришидан тортиб, ёқилғи-энергетика саноатида юз бераётган ялпи қулаш рақамларини кўрсатадиган ягона мавжуд ҳисобот эълон қилинмади. Янги Ўзбекистон тарихида биринчи марта. Статагентликнинг тасдиқланган тақвимига кўра, саноат статистикаси кеча 20 август куни очиқланиши лозим бўлган. Шу куни тақдим этилиши кўзда тутилган Ташқи савдо, қурилиш, чакана ва улгуржи савдо ҳисоботлари эълон қилинган. Иқтисодий ҳолат шарҳига кўра, июль ойида саноат ишлаб чиқариш физик индекси 7,1%ни ташкил этган (ўтган ойда 7,8%). Норасмий маълумотларга кўра, ёқилғи энергетикасида қазишнинг қисқариши ва ишлаб чиқаришнинг пасайиши тўхтамай давом этмоқда ва айрим кўрсаткичларда қулаш янада тезлашган. Балки шунинг учун ҳисоботни очиқламай қўя қолишни лозим топишган. P.S. Ҳисобот соат 11дан ўтиб жойлаштирилди.