​Кулфатга айланадиган АЭСга йўқ, дейишни унутманг Шимолдан тўдалашиб келганлар атом электр станцияси қурилиш майдончасида ишларни бошлаш тўғрисида баённома имзолашипти. Имзолаш маросимида биздан АЭС вазири Ахмедходжаев, шимолликлардан санкциялар остидаги Спасский дегани иштирок этган. Бу маросим билан улар гўёки ҳаммаси режадагидек кетаётганини кўрсатмоқчидек. Албатта, биронта нормал ўзбек ва ўзбекистонлик эртага бутун Марказий осиё учун кулфатга айланадиган АЭС қурилишига ўз хоҳиши билан рози бўлмайди. Эртага фарзандларимиз бўйнидаги иқтисодий, сиёсий, ижтимоий ва экологик бўйинтуруққа айланадиган бу АЭС бўйича қарор қабул қилишдан четлаштирилган ўзбеклар ва ўзбекистонликлар, яъни кучсизларнинг кучи ҳам шунда: Йўқ, дейишни канда қилмасликда. Фарқи йўқ, бизнинг устимиздан биз ҳақимизда қарор қабул қилувчилар ўрис томонига ўтиб олишган бўлса ҳам.