“Бизда ишлаб чиқарилади, лекин бизда нархи бундан 2 баробар қимматроқ” Монополист чайқовчи ёки яширин қарорлар билан имтиёз олган садоқатлилардан фарқли равишда оддий тадбиркорлар самосвалларни “сўйиб” олиб келишга мажбур бўлаётганини чуқурроқ тушуниш учун мана бу диалогни 1:07:56 сониядан яна бир бор тинглашни тавсия этаман. Суҳбат ўтган йили ёзда Техник тартибга солиш агентлиги директори (ҳа, ўша, импорт памперслар учун янги синов-чекловларни ўйлаб топганлар) ва Тадбиркор ўртасида кечган: Акмал Жуманиёзов: Ишлаб чиқарувчи бу қайси давлат? Тадбиркор: Хитой. Чакман завод ёки Синотракдан олмоқчимиз, тягач, ярим тиркама... АЖ: Бизда ишлаб чиқарилмайдими шу, мана шунақа юк мошинлар... Т: Бизда ишлаб чиқарилади, лекин бизда нархи бундан 2 баробар қимматроқ, масалан, мен тўғридан-тўғри импорт қилсам, 50% нархига тушади. АЖ: Расмий дилер нима учун керак, йиллар давомида тушуниб етдингиз...