Божхона қўмитаси ижрочи, лекин иштирокчи ҳам Қолаверса, қўмита савдо сиёсатини ишлаб чиқадиган Иқтисодиёт ва молия вазирлигининг таркибий қисми ҳисобланади. Кўплаб профессионал ва масъулиятли божхоначиларга ҳурмат бажо келтирган ҳолда айтиш мумкинки, жуда кўп яширин имтиёзларга “буюртмалар” қўмитадан айнан вазирлик канали орқали етиб боради, шаклланади ва ёпиқ қарор бўлиб ижрога туширилади. Коса тагида нимкоса эҳтимоли бордир, лекин нолга яқин. Номенклатура мақсадли тарзда эмас, кўпинча оқибатларини билмасдан (чунки жамият билан тескари алоқа узилган) ёки идоравий келишмасдан, ўзини ўзи фош этиб қўяди. Ахборотда диктор қиз кўзини пирпиратиб ё хира овози билан ишора берадиган шимолий Кореяда ё Россияда яшамаяпмизку.