Олтин рекорди янгиланишда давом этадими? Кечаги савдоларда тариф урушлари фонида олтин котировкалари навбатдаги максимум 3 086 доллардан ошган. Лекин келаси ҳафта кучга кирадиган, бир ойга кечиктирилган тарифлар бу урушда охиргиси бўлмайдиганга ўхшайди. Ўтган куни Трамп маъмурияти, навбатдаги чекловларни, АҚШга импорт қилинадиган барча автомобиллар ва эҳтиёт қисмлар учун 25%лик бож эълон қилди. Мазкур бож 3 апрелдан кучга кириши керак. Маълумот учун, ўтган йили АҚШга 240 млрд.долларлик автомобиль импорт қилинган. Шок ва ноаниқликлар автомобиль ишлаб чиарувчилар акцияларини арзонлаштираётган бўлса, захира актив олтинга бўлган интилишни янада ошириши аниқ. Йил бошидан бери олтин 17%га қимматлади. Ва бу тенденция ҳали якунига етмаган кўринади.