Тўртинчи ойдирки Ўзбекистонга автомобиллар асосан "запчасть" қилиб импорт қилинмоқда Автомобиль импортига қўйилган нотариф тўсиқлар мокки рақобатчиларни ўлдирган бўлса, бир аждарҳонинг бошлари бўлган чайқовчи монополистларнинг бизнесини роса авж олдирмоқда. Эсингизда бўлса, Божхона қўмитаси импорт автомобилга тўртта балон қадаб сотадиган чайқовчи монополистларнинг бизнесини билиб-билмай фош этиб қўйганди. Энди эса расмий статистика ҳам "маҳаллий малибу ишлаб чиқарувчиларнинг" асл башарасини очиб ташламоқда. Тўртинчи ойдирки, Ўзбекистонга автомобиллардан (213,7 млн.доллар) кўра эҳтиёт қисмлар, яъни "запчастлар" (544,4 млн.доллар) каррасига кўпроқ импорт қилинмоқда. Автомобиль импорти 3 карра қисқарган бўлса, запчасть импорти 34,4%га ошган. Чайқовчилар ўзлари чин дилдан тан олиб, иқрор бўлишганидек, Хитойдан "запчастлар", узр, маҳаллий Malibu'лар АҚШдан миллий Tahoe'лар утур-утур келишда давом этмоқда.