Иссиқлик тарифлари ҳар йили 1,41 каррадан оширилиши керак бўлади Бу энг яхши ҳолатда, яъни шонли энергетиклар таннархни шиширмайди деб хом-хаёл қилганимизда. Таннархни шиширмай, соҳага ажаратилаётган маблағларни ўғирламай, ўзлаштиришмай туришса, 5 йилдан кейин ўзбек ўқитувчиси ёки пенсионери иситиш ва иссиқ сув учун қанча тўлайди деган саволга мана бу ердан жавоб олишингиз мумкин. Ўзбекистонда 2030 йилгача иситиш ва иссиқ сув учун субсидиялардан бутунлай воз кечиши ҳақида расмийлар яна бир бор маълум қилишмоқда. Бунинг учун юқорида ёзганимиз идеал ҳолатда, тарифларни ҳар йили 41% атрофида ошириб бориш керак бўлади. 2025 йилда иссиқлик ва иссиқ сув тарифларини 15 фоиздан икки марта ошириш анонс қилинганди (лекин биринчи ярим йилликда биринчи ошириш юз бермади). Эҳтимолки, иккинчи ярим йилликда мазкур тарифлар биттада 30%дан кўпроққа оширилади.