11- автобус Шифобахш сувларгача, 88- автобус Иттифоққача борадими? Бугунги йиғишда Давлат раҳбари Тошкент халқа йўлигача келаётган 20 та автобус йўналиши 15-20 километрга узайтирилиши, яна янги 6 та маршрут қўшилиши ҳақида эълон қилди. Пойтахт жамоат транспорти ягона агломерация тизимига ўтиб, Тошкент вилоятининг барча туташ ҳудудларини қамраб олади. Бу ҳар куни иш ва хизматга, ўқишга, боғчага, даволанишга пойтахтга қатнайдиган юзминглаб Тошкент вилоятилик ватандошларимиз учун қувончли хабар. Бу иш амалга ошса, яна ҳар куни ўнминглаб шахсий автомобилнинг эрталаб пойтахтга кириши, кечқурун чиқишига, демакки, шу йўналишларда ортиқча тиқилинч ва тирбандликларга зарурат қолдирмайди. Қайд этилишича, Янги тизимни пойтахт ва Тошкент вилояти учун 1 сентябрдан ишга тушириш вазифаси топширилган.