Чегирма ва имтиёзлар навбатдаги хато қарорлар занжирини яратаверади Маҳаллий ишлаб чиқарувчиларга мис учун 4%лик чегирманинг берилиши хато қарор бўлганини тан олмагунимизгача, ўша хато қарор оқибатларини тузатмагунча янги ва янги тўсиқларни қўйишда давом этаверамиз. Мис симга энди 5%лик экспорт божи ҳам етарли бўлмай қолади (газга 20%лик бож газ экспортини тўхтатиб қолаётгани йўқку). Айниқса мис нархи тинимсиз ўсиш трендини (тоннаси 11 минг долларга яқинлашмоқда) намойиш этаётган пайтда, 8 700 доллардан олинган мис билан боғлиқ спекуляция тўхтамайди. Нархларнинг эркин шаклланишига аралашув ва имтиёзлар доим шунақа оқибатлар яратаверади, кейин оқибатлар билан курашиб янги тўсиқлар қўямиз ва иқтисодиётга янада кўпроқ зиён етказамиз.