Яширин иқтисодиётган қарши кураш унинг туб сабабларини бартараф этишдан бошланади Яширин иқтисодиёт ҳайкаллари, масалан, зараркунанда қарорларнинг қовушувидан бунёд бўлган бало-саҳий ва пул-малика дегич франкенштейнлар яширин иқтисодиётнинг ҳосиласи, лекин бир қўли билан яширин иқтисодиётга йўл очаётганлар яширин иқтисодиётга қарши курашишда ўзлари яратган бу қўрқинчли франкенштейнларни четлаб ўтишни маъқул деб билишади. Нима бўлгандаям, яширин иқтисодиётни суғориб турган ва суғоришда давом этаётган асосий сабаблар — бу маъмурий омиллар — адолатсиз солиқ юки (кимдадир имтиёз, кимдадир осмон солиқлар), маъмурий-бюрократик аралашувлар, халққа аждарҳо божлар (қайсидир чўнтакка эса божсиз савдо преференциялари) ва албатта аксар ҳолда ёпиқ ва яширин ҳолда қабул қилинадиган коррупцион қарорлардир.