Октябрда газ экспорти камайган, лекин тўхтамаган Октябрда 22 млн.долларлик газ экспорт қилинган, бу ўтган йилнинг шу даврига (60,9 млн.доллар) ва сентябрдагига (51,5 млн.доллар) нисбатан кам, лекин ҳатто шу ҳажмдаги газ (тахминан 100 миллион куб) Ўзбекистоннинг барча иссиқхоналарига етиб ортган, Тошкент ва йирик шаҳарларнинг экологияси барқарорлигини сақлаган бўларди. 10 ой давомида 568,2 млн.долларлик газ экспорт қилинган (бу Ўзбекистоннинг бутун иссиқхоналарига қиш қандай келишига қараб камида 5, кўпи билан 6 мавсумга етадиган газ). Октябрда газ импорти бирдан ошган ва 190,2 млн.долларга етган (ўтган йили шу даврда 86,7 млн.долларлик газ импор қилинган), шунга қарамай, йил бошидан буён газ импорти (1 122,5 млн.доллар) ўтган йилдагидан (1 365 млн.доллар) камлигича қолмоқда. Октябрдаги ташқи савдонинг бошқа муҳим жиҳатлари: Олтин деярли экспорт қилинмаган. Электр энергияси экспорти барқарор ошмоқда (ой давомида 14,9 млн.доллар, ўтган йили октябрда 7,7 млн.доллар). Хизматлар экспорти фаол ўсмоқда, хусусан, туризмдан тушумлар 541,5 млн.долларни ташкил этган (ўтган йили октябрда 370,5 млн.доллар). Экокризисга айланган энергокризис фонида бензин импорти (132,8 млн.доллар) ошмоқда ва кўмир импорти (23 млн.доллар) юқорилигича қолмоқда. Ой давомида 113,9 млн.долларлик автомобиль, 177,9 млн.долларлик "автозапчасть" импорт қилинган (буям асосан монополист чайқовчилар импот қилаётган автомобиллар аслида). Мамлакатлар қирқимида Афғонистон ташқи савдода 5-, экспортда 3- ҳамкоримизга айланиш арафасида турипти