100 кундан кейин 1 апрель келади Ўзбекнефтегазнинг янги раҳбарияти компанияда "долзарб 100 кунлик" эълон қилмоқда. 2025 йилда газ қазиб олишни "34 млрд.кубдан 26,5 млрд.кубга етказмоқчи бўлган" ва "25 млрд.кубгача етказган" монополист бунинг учун 10та устувор йўналишни белгилаб олган. Яна 100 кундан кейин нима ўзгариш бўлади, бир нарса дейиш қийин (айниқса аввалги стратегия, режа ва ваъдаларни эсласак). Лекин ўзбекистонликлар учун, давлат учун ва энергетикамиз учун бу: Арзонлашди дейилгани сари қимматлашаётган бензин нархларини ростакамига арзонлашишида, қазиб олиш қулашининг ҳақиқатда тўхташида, солиқ тушумларининг қисқариши эмас, ўсиши бошлашида, мазасини олигархия ва чўнтак пудратчилар кўраётган қарз ва мажбуриятларнинг қисқара бошлашида, бир неча ойлик чўнтак компанияларга тендерсиз триллионлаб пул ўтказишни тўхташида, футболдан тортиб пиар контейнерларгача бўлган нохос вазифалардан тийилишда кўриниши керак. Мутлақо тасодифга кўра, долзарб 100 кунлик эълон қилинган кундан 100 кун ўтса, 1 апрель келаркан.