​Марказий Осиё 40 йилда Россиядан ҳар тарафлама ўтиб кетади Шимол пропагандасининг мис пўписаларига муносабат билдириб, бизким Марказий Осиёга тинчлик муҳим экани, яна бир авлод барқарор ўссак, Россияни ҳар тарафлама ортда қолдиришимиз ҳақида мулоҳазалар билан бўлишган эдик. Иқтисодчи Миркомил Холбоев агар тарихий ўсиш суръатлари сақланиб қолса, Марказий Осиё тахминан 40 йилда Россиядан ҳам иқтисодий, ҳам демографик жиҳатдан устун бўлиши мумкинлиги ҳақида ёзмоқда: "БМТ прогнозларига кўра, 2068 йилда Марказий Осиё аҳолиси 130 млнни ташкил этиб, Россия аҳолисини етиб олади. Бунда, ҳозиргига нисбатан Россия аҳолиси 10 фоизга қисқарса, Марказий Осиё аҳолиси 60 фоизга ўсади. Аср сўнггига келиб эса Марказий Осиё аҳолиси Россия аҳолисидан 18 фоизга кўпроқ  бўлиши мумкин. Биргаликдаги иқтисодиётимиз эса Пандемиядан кейинги даврдаги ўсиш билан 2070 йилда, 2017 йилдан кейинги ўртача ўсиш билан 2076 йилда, сўнгги 20 йилдаги ўртача ўсиш билан эса 2067 йилда Россия иқтисодиётини қувиб ўтади. Жон бошига ўртача даромад эса ҳозирги кунда Россиядан 2,5 баробар паст бўлса, 2066 йилга келиб Россиядаги кўрсаткичдан ўтиб кетади, аср сўнгида  эса ўртача Марказий Осиёлик ўртача Россияликдан 2,4 баробар бойроқ бўлиши мумкин (20 йиллик ўртача ўсиш билан)". Шундай экан, уларга уруш керак бўлса, бизга тинчлик кераклиги, уларга бузғунчилик керак бўлса, бизга бунёдкорлик кераклиги, улар парокандалик исташаётган бўлса. биз бирдамлик исташимизни намоён этиб, иқтисодий ислоҳотлардан ва минтақавий интеграциядан тўхтаб қолмаслигимиз зарур. Марказий Осиё, албатта, яна буюк бўлади!