​Кўмирдан, пропан ва метандан боғча тўловигача Марказий банк биринчи марта Базавий инфляцияни ҳисоблашда чиқариб ташланадиган, нархлари маъмурий тарзда тартибга солинадиган товар ва хизматлар рўйхатини эълон қилди. Маълумот учун, базавий инфляция пул-кредит сиёсати соҳасидаги қарорларни қабул қилишда муҳим кўрсаткичлардан бири бўлиб, иқтисодиётдаги нархларнинг вақтинчалик ўзгаришлари таъсиридан холи бўлган инфляциянинг умумий тенденциясини ифода этади. Базавий инфляцияни ҳисоблашда 458та товар ва хизмат инобатга олинади (инфляция ҳисоблашда жами 510та товар ва хизмат қамраб олинади). Рўйхатга кирган 26 турдаги нархлари маъмурий тарзда тартибга солинадиган товар ва хизматлар товар ва хизматлар истеъмол саватининг 15 фоизини ташкил этади. Рўйхатдаги "биринчи навли буғдой унидан тайёрланган нон" позицияси ҳайрон қолдиради. 2022 йилда ғалла, ун ва нон нархлари тўлиқ эркинлаштирилмаганмиди?