Электр энергияси учун Кунбай савдолар тизими ишга тушдими? Кечаги йиғилишда 10 миллион киловатт-соатдан кўп электр истеъмол қилаётган улгуржи истеъмолчилар рўйхати тузилгани, ушбу корхоналар учун электр энергиясини улгуржи бозорда “соатбай” шаклланган нархларда тўғридан-тўғри шартномалар асосида харид қилиш тизимини жорий этиш таклиф этилгани айтилган. 2023 — 2030 йилларга мўлжалланган электр энергиясининг улгуржи ва чакана бозори механизмларига босқичма-босқич ўтиш концепциясига кўра, соатбай савдолар 2029 йилдан бошланиши керак. 2026 йил 1 январдан эса кунбай савдолар ишга тушиши керак эди. Яъни Президент фармонида белгиланган вазифлар бажарилган бўлса, электр энергиясининг кейинги кун учун савдолари ҳисобини юритиш учун бозор оператори томонидан онлайн савдо платформаси аллақачон ишлаётган бўлиши ва биз истеъмолчилар шаклланаётган нархларни кўриб туриши лозим (ёки ҳеч қурса бу ҳақда маълумотлар эълон қилиб борилиши зарур). Лекин январнинг ярми ўтди ҳамки, на энергорегулятор, на Иқтисодиёт ва молия вазирлиги кунбай савдолар бошлангани ва унинг натижалари қандай бўлаётгани ҳақида расмий маълумот очиқлагани йўқ.