ХВЖга ёлғон маълумот берилганмиди? Антикоррупция агентлиги раҳбарининг сўзларига ишонилса, Давлат хизматчилари даромадларини декларациялашга оид қонун лойиҳаси ҳалиям парламентга киритилмаган. «Ҳақиқатан ҳам, давлат раҳбари томонидан бу қонун лойиҳасини такомилига етказиб, уни парламентга киритишдан олдин кенг жамоатчилик муҳокамасига қўйиш топшириғи берилган. Мазкур қонун лойиҳаси ташаббускори бизнинг агентлик бўлгани боис уни такомилига етказиб тугатдик. Ҳозирда ҳужжатни жамоатчилик муҳокамасига қўйиш бўйича жараён кетмоқда. Бу ваколат эса Адлия вазирлигига берилган», — деб айтган Акмал Бурханов. Аввалроқ, 2025 йил ноябрда ХВЖ миссияси “Давлат хизматчиларининг даромадлари ва мол-мулкини декларация қилиш тўғрисида”ги қонун лойиҳаси парламентга киритилганини олқишлаган эди. Ўшанда Spot саволига жавобан Қонунчилик палатаси тегишли қонун лойиҳаси парламентга киритилганидан бехабарлигини маълум қилганди. Келиб чиқмоқдаги, ХВЖни “Давлат хизматчиларининг даромадлари ва мол-мулкини декларация қилиш тўғрисида”ги қонун лойиҳасини парламентга киритганмиз, деб алдашган. Қизиқ, ким алдаган ва нима учун? Эътиборлиси, ХВЖ ўзбекистонликлар аллақачон қўл силтаб қўйган қонун қабул қилинишига ҳалиям ишонса керак.