Бефойда, токи… Растаможка канали муаллифи бугунги учрашувда транспорт воситалари учун мувофиқлик сертификатини бир йилда фақат 1 та транспорт воситасига беришга оид амалий чекловни кўтаргани ҳақида ёзмоқда. Ёзилишича, сертификатлаш органи раҳбаридан бу масала бўйича аниқ ва тайинли жавоб бўлмаган. Бошқача бўлиши мумкинмиди ўзи? Сертификатлашдаги манфаатлар тўқнашув, коррупция ва иқтисодий мантиқсизлик биринчи марта кўтарилаётгани йўқ (1, 2, 3…). Яна ўнлаб йиғилишларда шу йўсинда давом этилсада, ҳеч қандай ўзгаришлар бўлмайди. Лекин бир кун келиб, Давлат раҳбарига бирон инсофий вазият қанчали аянчли ҳолатда экани ва зараркунандаликнинг миқёси тўғрисида тадбиркорлар манфаатидан келиб чиқиб маълумот етказади. Ўшанда дақиқалар ичида адолатли қарор қабул қилинади. Пискент полигони 15 минутда ёпилгани, полигоннинг ортида турган шотир манфаатпарастлар тили калимага келмай қолгани эсингиздами? Худди ўшанақа бўлади.