Бир йилда битта импорт автомобилига мувофиқлик сертификати бериш чеклови бекор қилинди Фармон билан 9 йил аввал ҳукумат қарори билан киритилган чеклов олиб ташланган. Яъни транспорт воситасини импорт қилишда бир календарь йил давомида фақат битта автомобилга мувофиқлик сертификати беришни назарда тутувчи норма бекор қилинган. Ҳатто ўз эҳтиёжи учун автомобиль импорт қилишда тақиқлар остида бўлган тадбиркорлик субъектлари учун бу ажойиб янгилик. Лекин Автодекларантга кўра, энди жисмоний шахслар ҳам чекловсиз автомобил импорт қилиб, сотиши мумкин (олиб-сотарлик) дегани эмас. Унга кўра, амалиётда ушбу норма қандай қўлланилишини вақт кўрсатади.