“Тарихий зафар” тангалари 4 йилдан кейин қанча туради? Марказий банк Ўзбекистон футбол миллий терма жамоасининг “Жаҳон чемпионати – 2026” мусобақасидаги тарихий иштирокини муҳрлаш мақсадида, соф олтин ва кумушдан зарб этилган махсус эсдалик тангаларини муомалага чиқармоқда. Аверсида “Tarixiy zafar. Oʻzbekiston futboli jahon chempionatida - 2026”, реверсида 26 футболчидан иборат Оқ бўрилар рамзи акс этган тангалар сотуви 18 июнда бошланади. 31,1 грамм оғирликдаги 100 та олтин ва 1000 та кумуш тангалар юқори бадиий ҳамда коллекцион қийматга эга бўлиб, чекланган миқдорда ишлаб чиқарилган (демакки, нархи йиллар ўтган сайин фақат ортиб боради).