​Пенсионерлар ҳис қилган инфляция 13%гача кўтарилган Май сўровларига кўра, сезилган инфляция 10,3%дан (-0,8%) иборат бўлган. Энг юқори сезилган инфляция Фарғона вилоятида қайд этилган -12,2% (+2,7%). Қизиғи, апрелда айнан Фарғона вилоятида энг паст сезилган инфляция кузатилган. Пойтахт Тошкентда ҳам сезилган инфляция сезиларли ошган ва 12,0%га (+0,5%) етган. Ижтимоий гуруҳлар орасида инфляциядан энг кўп пенсионерлар жабр кўришмоқда. Айнан пенсионерлар май ойида энг юқори инфляцияни сезишган -13,0% (+0,8%). Бензин ва ёқилғи, шакар ва қандолат, тухум ва гуруч апрелга нисбатан юқори даражада қимматлаган маҳсулотлар ўлароқ саналган. Нархи юқори даражада ўсган маҳсулот етакчилиги неча ойдирки гўшт (ва сут) бўлиб қолмоқда. 7 млн.сўмдан 20 млн.сўмгача даромадга эга бўлган аҳоли гуруҳларида сезилган инфляция ошган.