​Коммунал хизматлар қимматлашиши хавотирлари 14 ойлик максимумларгача ошган Май ойи сўровларида инфляцион кутилмалар аҳолининг наздида 10,1% (-0,5%)ни, бизнес наздида 10,0% (-0,3%)ни ташкил этган. Коммунал хизматларнинг ёмонлашиши энг асосий хавотир бўлиб қолмоқда. Сўралганларнинг 59%и айнан шу омилни қайд этишган. Худди шундай кўрсаткич охирги марта 2025 йил март-апрель ойларида кузатилганди. Шунингдек, аҳолининг ёқилғи ва энергия, транспорт харажатлари, монополия ва нархларнинг сунъий оширилиши хавотирлари ёмонлашган. Ижтимоий қатламлар орасида энг ёмон инфляцион кутилмалар иккинчи ойдирки пенсионерларда қолмоқда (12,6%). Ҳудудлар орасида энг юқори инфляцияни Тошкент шаҳрида яшовчилар кутмоқда. Пойтахтликларнинг кутилмалари бирданига 1 фоиз бандига ёмонлашган ва 12,0%ни ташкил этган. 9-16% инфляция кутаётган пойтахтликлар улуши 64%га етган. Тадбиркорлар орасидаги сўровларда Жиззах вилоятида энг юқори кутилма қайд этилган — 11,9% (+0,8%). Даромадлар мундарижаси бўйича 7-10 млн.сўм ва 15-20 млн.сўм даромад олувчиларнинг кутилмалари сезиларли ёмонлашган.