“Светйўқ” энди Тошкент вилоятидаги узилишларни ҳам кўрсатади Шонли энергетиклар нечча йиллардан буён қилиши мумкин бўлган, лекин пайсалга солиб келган (ахир муаммоларнинг кўлами ва кети очилиб қолади-да) ишни, энергожабрдийда жамоатчилик ўзи бажаришга ўтгани қувонарли. Масалан, кеча Зангиотадан Мирободгача 4-7 соат давом этган блекаутдан минглаб ўзбекистонликлар айнан Курбановнинг svetanet картаси орқали хабар топишди. Ҳурматли нашрлар ҳам айнан энергожабрдийда Курбановнинг картасига таяниб ахборот тарқатди. Бугундан бошлаб светйўқ картасида “1055 Тошкент вилоятига” тушаётган шикоятлар ҳам автомат акс эта бошлаган. Сиз эса қўл қовуштириб ўтирманг, свет ўчдими, дарҳол махсус светйўқ ботига (@sveta_netbot) геопозиция юборинг.