Бдан кейин эса В дейиш керак бўлади Мана шуни айтдигам, етади, деган эски қараш йўқолмаган афсуски. Ахборотга интервью берган ҳурматли Умид Мамадаминовга кўра, ҳозирги вақтда Ўзбекистонда нефт маҳсулотлари ишлаб чиқариш ҳажми 1,2 млн тоннадан ошган. Бундан ташқари, хусусий тадбиркорлар яна 600−700 минг тонна маҳсулот импорт қилмоқда. Энергетика вазирининг биринчи ўринбосарининг қайд этишича, шу ҳисобдан нефть маҳсулотларига бўлган барча эҳтиёжимиз қопланади. Афсуски, истеъмолчилар ва бизнесни ишонтириш ва хотиржам қилиш учун бу рақамлар кифоя эмас. Бўшлиқлар ва сукутлар янада кўпроқ хавотирга солади. Асосий ёқилғи маҳсулотлари (бензин, дизель, пропан, керосин, мазут каби) қирқимида ишлаб чиқариш ва импорт улушлари қандай, нега очиқланмайди? Ҳукумат келишувлари бўйича квоталаримиз қандай ва кимлар ўртасида тақисмланган? Масалан, 2026 йилнинг 5 ойи бўйича бензинга қарамлик 50%га етган (ишлаб чиқариш 502,2 минг тонна ёки 650 млн.литр атрофида, импорт 642 млн.литр). Лекин маркалар бўйича вазият қандай? Импортнинг мамлакатлар бўйича улуши ярим йилда қанақа эди ва йил охиригача қандай ўзгаради? Ишлаб чиқариш ва импорт пропорцияси нархларга қандай таъсир кўрсатади? Нега бозорнинг 70%и маҳаллий ишлаб чиқариш билан қопланса, нархлар потираб ошмоқда? Нархлар бўйича прогнозлар қандай? Қачон уруш баҳона шишириб олинган нархлар ортга қайтади? Захиралар қайси манбалардан шакллантирилади ва қайси омборларда сақланади? (нефть арзонлаганда фаол ишга тушадиган, қимматлаганда бозорга чиқмайдиган Хитой тажрибасини ўрганиб кўрилса ёмон бўлмасди, Яқин шарқдаги кризисни Хитой ҳеч бир талофотсиз ўтказди). Куз, қишга қанақа яхши ва ёмон сценарийлар билан қаралаяпти? Хавотирлар қандай? Ноаниқликлар шароитида қарор қабул қилиш тажрибасига ўтиладими?