Тарихий хатолар бошланган 2019 йил 22 декабрни эслаб Кеча 22 декабрь куни Олий Мажлис Қонунчилик палатаси ва маҳаллий Кенгашларга сайловлар бўлиб ўтганига 1 йилдан ошибди. Қаранг-ки, ушбу воқелик ОАВ ва жамоатчилик кун тартибида эсга ҳам олинмади, Балки бунга қатор сабаблар бордир. Масалан, шахсан мен парламентга сайловлар очиқ, рақобатли, натижалари олдиндан белгиланмайдиган кампания тарзида ўтишига ишониб, ҳаммани сайловда фаол иштирок этишга чақирганимдан уяламан, бунинг учун ўзимни ҳали ҳануз айбдор ҳис этаман. Орадан бир йил ўтиб, депутатлардан бири журналист ва блогерларни тушунмаганликда айблаб, Конституцияга ўзгартиришлар киритиш "сир тутилмаганлиги"га ишонтирмоқда. Нақ тўртта депутат Юлий Юсуповнинг йўл-йўлакай ёзган қайдларини фош этиш, ноқисликда айблаш билан банд бўлиб турипти. Ислоҳотларни йўққа чиқариш кимга керак бўлиб қолди, деб ҳайқирмоқда депутат Худойбердиев. В последнее время читать посты данного автора становится не просто не интересно, а порой даже грустно, деб қайғурмоқда яна бир депутат. Исходя из статьи Юлия Юсупова «Нарушение прав собственности – центральная проблема развития Узбекистана», складывается впечатление, что на сегодняшний день наше государство является самым коррумпированным органом, а законодательная система является правовым документом поддержки коррупции, деб депутат Аслонова абгорликни тан олишига сал қолган, лекин кейинги қаторларда Юсуповнинг иддаоларига қақшатгич зарба берган. Вызывает недоумение заявление эксперта по поводу «дырявого законодательства», которое как бы «ежесекундно разрушает нашу экономику» - бу депутат Аҳмедовнинг Юсуповга қарши тарих учун ёзган қайдлари. Беихтиёр совет намоёндаларининг "Пастернакни ўқимаганман, лекин қоралайман" деган мазмундаги чиқишлари эсга келади. Совет намоёндаларининг бугунги давомчилари ўзбек депутатлари эса Юсуповни ўқишган, лекин тушунишмаган кўринади. Уни қоралаш кампаниясига қўшилиш бўйича тепадан топшириқ бўлмаган. Шунақа яхши гумонда бўламиз. @the_bakiroo