Станиславский "Не верью" деган бўларди, Баҳодир Йўлдошев эса "Фальш, фальш, фальш" деб қичқирворарди режиссер ва барча актерларга. Параламентда кўпчилик коалициясини ташкил этган Ўзлидеп ва Миллий тикланиш партиялари томонидан берилаётган баёнотларга қараганда кейинги серияларда вот-вот коалиция тарқаб кетади. Акс ҳолда кейинги кунларда саҳнада юз бераётган сюжетларга томошабин ишонмай қўяди ва зални тарк этади. Ахир ўзи бўладими, Миллий тикланиш ЕОИИ - бу янги СССР деб атаса, Россиядаги ўғри ва муттаҳамлар партияси деб ном олган Единая Россиянинг ҳамкори Ўзлидеп ЕОИИга киришни ёқлаб турса. Бош ролдаги либераллардан бири Миллий тикланишни олигархат кўтарасига сотиб олганига ишоралар берса. Жавоб тариқасида Ўзлидеп Кундошларга менгзалса. Мундоқ дўппини олиб, жиддийлик билан қаралса, бу икки партия формал бўлсаям амалдаги ҳукуматни шакллантирган партиялар ҳисобланишади. Партқурилиш принципларига кўра мафкуравий ва базавий келишмовчиликлар юзага келган тақдирда коалиция тарқатилиши, ҳукумат эса истеъфо бериши лозим. Ҳарқалай "в лучших домах Европы" шунақа қадриятлар амал қилади.