Такрорланувчи, тўхтамайдиган имтиёзлар Юқоридаги постда Тошкент амалий фанлар университети учун тақдим этиладиган имтиёзлар “Diplomat university” учун ҳам таклиф этилмоқда. Университет муассисиси: Ягона таъсисчиси SAYDAMENOV DILSHOD XASANOVICH бўлган "DIPLOMAT UNIVERSITY" МЧЖ. Устав капитали 100 млн.сўм. 2020 йил 9 сентябрда ташкил этилган. Қизиғи, “Diplomat university” учун худди Тошкент амалий фанлар университетига берилаётгани каби солиқ ва божхона имтиёзлари берилиши мумкин. Бир хил, шундоқ кўчириб олинган. Фақат муддати 2024 йил 1 августгача эмас, 2022 йил 1 августгача. Ия, нега дерсиз. Ғалати, шундай эмасми? Балки келиша олишмагандир, балки келишув фақат шу муддатгача имтиёз беришга етгандир. Қайдам. Дарвоқе, “Diplomat university” Матбуотчилар, Сайилгоҳ ва Ота Турк кўчалари кесишмасида жойлашиши керак экан. Бу манзилда жойлашган ва бўш бинолар орасида фақат Давлат хавфсизлик хизматининг умумий майдони 20219 кв.м бўлган «Собиқ марказий бино ҳудуди» жойлашган. Мазкур бино ПФ-6096 фармонга асосан сотувга қўйилган. Хуллас, “Diplomat university” учун берилаётганлар имтиёзлар ҳам янги университетлар очилишини истасак, бу билан боғлиқ имтиёзларни барча янги очиладиган университетларга берайлик, солиқ имтиёзларини Кодексда акс эттирайлик, дейилган тезисни яна бир бор тасдиқлайди. Рағбатлантирилаётган соҳага бериладиган имтиёзлар қайсидир ёпиқ кабинетлар ва номаълум шахслар билан келишув воситасида эмас, Қонуннинг инъикоси сифатида юз бериши керак. @the_bankiroff