Давлатга тегишли "Метан заправка" аукционда 1,1 млн доллардан қимматроққа сотилди Электрон аукционларни доимий кузатиб бораман. Дастлабки баҳосидан каррасига ошган хусусийлаштирилаётган давлат объектлари айниқса мен учун қизиқ. Ўтган ҳафтада юз берган битимлардан энг эътиборлиси Қашқадарёднинг Ғузор туманидаги "Автомобилларга газ тўлдириш компрессор станциялари, маъмурий ва бошқа бинолар" ёки халқ тилида айтганда "Метан заправка"ни сотилиши билан боғлиқ савдолар эди. Дастлабки баҳоси 5,12 млрд.сўм бўлган "Метан заправка"ни сотиб олишга тўртта талабгор қўшилган. Деярли 1,5 соат давом этган кимошди жараёнида объект нархи 2,3 баробар ошиб, 12,2 млрд.сўмга етган. Аукцион ғолиби - "ALP JAVOXIR JAVLONBEK" МЧЖ. Савдо якунини бошқа объектларга солиштириб, ғолиб таклиф этган охирги нарх сал қиммат эмасми, деган ўйларга бордим. Йўқ, янглишибман, объект 1 гектарлик ерда жойлашган экан. 1 августдан кейин ер қонунчилигида кутилаётган ўзгаришлар инобатга олинса, ғолибнинг пули чўнтагида кетган деса бўлади. Буюрсин! Реклама