Таклифлар ва эътирозлар. Якуний бенефицарлар Фармон ва кўзда тутилган коррупцияга қарши кураш қонунчилиги доирасида ЯКУНИЙ БЕНЕФИЦИАР тушунчаси ва уни аниқлаш механизмларини белгилаш лозим. Кўриб турибсиз, ҳокимият билан чатишиб кетган олигархлар ҳеч қачон ўз йирик активларини ҳатто яқин қариндошлари номига ҳам расмийлаштиришмайди. Бунинг учун шотирлар, югурдаклар, ўйнашлар ва офшорда фаолият кўрсатувчи кўр субъектлар паутинаси мавжуд. Эсланг, Гулнора Каримова ёки унинг фарзандлари қайси бирининг номида мулк ёки активлар мавжуд эди? Йўқ. Ҳаммаси ошпаз, шотирлар, дугоналар, эркак ва аёл жазманлар ёки кўр офшорлар номида ёки рўйхатида бўлган. Ҳозирги катта ўғри ва муттаҳамларда ҳам худди шундай. Бошқача айтганда улар Гулнора Каримованинг калта иштонидан тушиб қолган схема ва усуллардан ҳалигача фойдаланишмоқда. Шунинг учун Коррупцияга қарши кураш агентлигига коррупцион битимлар ва схемалар борасида жиноий субъектларнинг якуний бенефицарини мотивацияланган далиллаш асосида эълон қилиш ва бу бўйича судга даъво киритиш ҳуқуқи берилиши керак. Масалан, айтайлик шартли Яшилбоғни бузиб уч баробар қиммат нархда Бетонсити ёки Бетонкўприк қураётганларнинг якуний бенефицари кимлигини ҳатто Кўкчадаги Йўлдош тирриқ ҳам билади. Лекин ҳаммаси гўёки учинчи шахслар ва "хорижий инвесторлар" номи остида. Шу пайтда Агентликнинг мотивацияланган далиллаши майдонга чиқиши керак ва уч баробар қиммат нархда Бетонсити ёки Бетонкўприкни қураётган одам Фалончихўжаев Фустонкир дея эълон қилишга ҳақли бўлиши, табиийки унга қарши маҳкама очишга ваколатли бўлиши лозим. P.S. Четда турманг. Саволлар беринг. Муҳокамада қатнашинг. Бунга ҳақлисиз! @the_bakiroo