Турк лираси барқарорлигини сақлаб қолди Кеча Туркия Марказий банки сиёсий босимлар давом этаётганига қарамай асосий ставкани ўзгаришсиз 19% даражасида қолдирди. Регулятор токи инфляциянинг пасайиш тенденцияси пайдо бўлмагунча, асосий ставка инфляциядан юқорида даражада сақланиши бўйича аниқ баёнотлар берган. Ўтган 7 ойда мамлакатда йиллик расмий инфляция 18,95%ни ташкил этган. Туркия Марказий банкининг мазкур қароридан кейин турк компанияларининг акциялари котировкалари кўтарила бошлаган. АҚШ долларига нисбатан турк лирасининг курси 8.30гача мустаҳкамланган. Айни дақиқаларда битимлар 8.50-8.60 коридорида юз бермоқда.