Яхши хабар: Ва ниҳоят метро поездлари ҳаракати 05:00дан 24:00гача давом этади, оралиқ қатнов тезлашади Пойтахтда жамоат транспорти деградациясининг умумий фонида Тошкент метроси ҳам ўлдирилиб бораётгани ҳеч кимга сир эмас. Эсингизда бўлса, 21 майдан бошлаб метро поездлари ҳаракати қисқариб, 06:00дан 23:00гача белгиланган эди. Оралиқ қатнов узайиб кетганидан, масалан, Сергелидан келаётган поездларга Чилонзордаги бекатларда чиқиб бўлмай қолганди. Табиийки, йўловчиларда метродан фойдаланиш ўрнига яна такси ёки шахсий автомашина хизматидан фойдаланишдан ўзга чора қолмаётганди. Маълум қилишларича, 30 августдан бошлаб метрополитеннинг барча йўналишлари соат 05:00 дан 00:00 гача ишлайди. Шунингдек, янги келтирилган 20та метровагонларидан 5 та состав шакллантирилипти ва бунда хусусан Чилонзор йўналишида ҳаракат тезлигининг ошиши кутилмоқда. P.S. Кеча бир маълумотга кўзим тушди. Истамбул метроси Тошкент метросидан 12 йил ўтиб, 1989 йилда ишга тушган экан. Тўғриси бу мен учун янгилик бўлди. Бугун Истамбул метроси қай даражага етган, Тошкент метроси қай аҳволда қолди. Ўзингиз солиштириб, баҳо бераверинг.