1,9 трлн.сўмлик имтиёз, 0,9 трлн.сўмлик фойда, натижа - 1 трлн.сўмлик зарар Ўзбекистонда "Ўз" префикси билан бошланадиган ҳар қандай монопол компанияларнинг самарадорлигини баҳолаш учун бундан ортиқ мураккаб ҳисоб-китобнинг кераги ҳам йўқ. Уларга нисбатан паразит деган ёрлиқнинг ишлатмасликнинг иложи ҳам йўқ. UzAutoMotors 2021 йилнинг олти ойида 1,9 триллион сўмлик божхона имтиёзлари ва преференцияларини олган. Гап президент ва Вазирлар Маҳкамасининг ҳужжатлари билан таъминланган божхона божи, акциз ва ҚҚС бўйича имтиёзлар ҳақида кетмоқда. Имтиёз ва преференцияларнинг аксарияти ёпиқ, яъни жамоатчиликдан яширин равишда тақдим этилган. Айни кўрсатилган даврда UzAutoMotors 902 млрд.сўм соф фойда олгани билан ўзини кўз-кўз қилган. Агар имтиёз ва преференциялар айириб ташланса, ўзбекистонликлар бошига тушган бу кўргулик ярим йилнинг ўзида 1 трлн.сўм зарар келтирган.