​Явка с повинной Трамп сайловда ютқазганини тан олмаса ҳам, барча ҳисоб-китоблар унинг ютқазганини кўрсатмоқда. Божхона қўмитаси имтиёзлар ҳақидаги маълумотларни махфийлаштиргани билан, барча белгилар ва ҳисоб китоблар Uzauto Motors божхона божи ва утилизация йиғими тўламаётганини аён қилмоқда. Аввалги гумонлар ва импорт шартномасининг очиқланган бир парчасигина бунга ишончли аргумент ҳосил қилади. Uzauto Motors компанияси ҳар бир CHEVROLET EQUINOX машинаси импортидан 163 млн.сўм божхона божи ва утилилизация йиғими тўламаяпти, дейишга асос беради. Uzauto Motorsнинг ҳимоячисига айланган Ҳукумат ҳам ютқазаяпти, бюджетнинг 8750та автомашинадан кўраётган ютқизиғи 1 трлн 426 млрд.сўмни ташкил этади. Бу фақат EQUINOX импортидан! Uzauto Motors компанияси ҳар бир CHEVROLET EQUINOX машинасидан импорт божларини тўламаётганига яраша автомашинани арзонроқ сотаётганду дерсиз. Йўқ, кечириб қўясиз. Ҳар бир импорт қилинган CHEVROLET EQUINOX компанияга камида 57 млн.сўм даромад келтирмоқда. 8 750 импорт қилинган автомашинадан компания кўрадиган даромад эса қарийб 500 млрд.сўмни ташкил этади Тасаввур қилаяпсизми? Халқ ҳам ютқазаяпти. Бюджет ҳам ютқазаяпти. Унда ким ютаяпти?