Узвий ўлчовлар солиштирилгани яхши Ўзбекнефтегаз компанияси баёнотига кўра, нефть котировкаси йил бошига нисбатан 1,7 баробарга ошишига қарамасдан “Аи-80” автобензин нархи 1,15 баробарга оширилган холос. Энг аввало, аллақачон нормал давлатларда ишлаб чиқаришдан ва фойдаланишдан чиқиб кетган ва аксар автоуловлар учун октан ўлчови мос бўлмаган, "миллий ғуруримиз ва балки танловсиз пешонамизга битган ёрлиқ" АИ-80 бензини ишлаб чиқариш учун нефть импорт қилинмайди. Ўзимизда қазиб олинган нефть ва балки газ конденсати омухтаси бу асқот (аслида нимадан иборатлиги ёлғиз худога ва Ўзбекнефтегазнинг ўзига аён). АИ-80 учун импорт нефть ишлатилмаслигини компания ўзи ҳам феълан тан олиб турипти. Импорт нефть ишлатилмас экан, жаҳонда брент типидан нефть 70%га ошганига қарамай, 80 бензинимизни 15%га оширдик дейиш ҳарқалай "одолжение"дан ўзгаси эмас. Яна эсга олиш керакки, нефть нархи 2020 йилда 7 баробаргача ва ҳатто манфий кўрсаткичгача тушиб кетганида негадир АИ-80 нархи ҳатто 50%га пасаймаган эди. Дарвоқе, ўтган ёмон замонда бўлгани сингари Ўзбекистон витринаси Тошкентда ва вилоятларда бензин нархларида катта фарқлар пайдо бўлган. Тошкентда 5900 сўмдан сотилаётган пешонамизга битган миллий ғурур вилоятларда 7000-7500 сўмгача нархда реализация бўлмоқда. Лекин негадир бу ҳақда монополист изоҳ билдиришни лозим топмаган.