Турар-жой бозорида нархлар ўсишда давом этмоқда, лекин суръатлар пасайган Марказий банк кўчмас мулк бозори бўйича ўтказган мониторинг ва таҳлилларига кўра, 3- чоракда иккиламчи бозорда Республика бўйича нархлар 2,3%га ошган. Ўтган чоракда бу кўрсаткич 5,7%ни ташкил этганда. Ўтган чоракда битта вилоятида нархлар пасайгани қайд этилган бўлса, бу сафар 6 та ҳуддудда нархлар пасайиши кузатилган . Энг катта бозор ва сон жиҳатдан кўп битимлар амалга ошириладиган Тошкент шаҳрида нархлар атига 1,4%га ошган холос. Солиштириш учун июль-сентябрь ойларида инфляциянинг уч ойлик кўрсаткичи ҳам 1,4%дан иборат бўлган. Яна бир жиҳат: кўчмас мулк бозори инвестициялаш йўналишлари бўйича ўзининг энг катта рақобатчиси омонатларга ютқаза бошлаган. Июль-сентбярь ойларида омонатчилар кўчмас мулкка пул сарфлаганлардан кўра 2 баробардан кўпроқ - ўртача 5%дан зиёд даромад олганлар. Бозордаги тенденцияларни кузатаётганларга кўра, вилоятлардаги нархлар пасайиши ва Тошкентда нархлар барқарорлашуви тенденциясига сабаблардан бири вилоятлик сармоядорларнинг Тошкентдан уй-жой сотиб олишга интилишлари, Тошкентлик сармоядорларнинг эса хориждан уй-жой сотиб олишга ҳаракатлари жонлангангани сабаб бўлмоқда