Йирик бизнесга йирик имтиёзлар Ўтган ҳафтада қабул қилинган қарорга кўра, тақдим этилган имтиёзларнинг энг каттаси айнан йирик актив эгаларига насиб этган. 2022 йил 1 январдан бошлаб 2027 йил 1 январга қадар меҳмонхона (жойлаштириш воситалари) ва майдони 5 минг квадрат метрдан юқори бўлган савдо комплекслари (шу жумладан, улар эгаллаган ер участкалари) бўйича юридик шахслардан олинадиган ер солиғи ва юридик шахсларнинг мол-мулкига солинадиган солиқ ставкаларини 90 фоизга камайтириш ҳуқуқи берилган. Мазкур имтиёзлар 2027 йил 1 январгача янгидан қуриладиган объектларга (шу жумладан, улар эгаллаган ер участкасига) нисбатан ҳам 5 йил муддат давомида қўлланилади. Энди, келинг ўйлаб кўрамиз. 5 минг кв.м ва ундан юқори майдонга эга меҳмонхона ва савдо комплексларига кимлар эгалик қилади? Масалан, Ҳилтон меҳмонхонаси имтиёзларга эга бўлади. FOODCITY эсингиздами? Имтиёз айнан уларга ҳам мўлжалланган. Компассдан тортиб Самарқанд Дарвозагача, Атлас, Медиапаркдан тортиб Экобозоргача бўлган йирик мулк эгалари учун бу имтиёз. Бу имтиёзлардан Тошкентнинг қоқ марказидаги Tashkent Central Park (Trilliant) ҳам фойдаланади. Саналганларнинг эгалари кимлигини биласизми? Сиз, ҳурматли кичик бизнес эгалари, иккита айвон ва титулсиз иншоотингиз учун, марҳамат қилиб, бозор нархида солиқни қуртдай санаб, тўлаб қўйинг. Ахир сиз солиқ тўламасангиз, ким тўлайди? Кабинетларга чатишиб кетган миллиардерлар солиқ тўламайдику сиз учун. @the_bakiroo