Имтиёзли кредитлашнинг камбағалчиликни қисқартиришга умуман алоқаси йўқ! Фойдаланувчилар ёзмоқда: "Namangan viloyati Yangiqoʻrgʻon tumanimizda imtiyozli kredit berilgan 2019 yildan boshlab shu kreditdan olgan hamma fuqarolar bugun boʻynigacha qarzga botdi, sababi olingan chorva qoramollarini (oʻrtacha bozordagi narxi 8 mln ) kredit asosida 15 mlngdan oʻtkizishgan. Eng qizigʻi uni oʻzimizning bozordan sotib olib oʻzimizga ikki barobar qimmatiga kredit asosida oʻtkizishgan, bu yerda ta'minotchilar foyda qilishgani, oddiy fuqaroning qarzga botgani boʻldi. Men tanigan ta'minotchini bugun 2 mlrd soʻmlik molxonasi, 3 ta 70 ming $ lik yuk moshinasi, bir necha yengil avtomobili bor. Bu yozganlarimni iltimos xalq koʻrsin, bilsin, mendek qarzga botib qolmasin". Кредитларни қутқарувчи ўлароқ кўраётганлар билишлари керакки, имтиёзли кредитлашнинг камбағалчиликни қисқартиришга умуман алоқаси йўқ! Камбағалчиликни ижтимоий неъматлар (таълим, тиббиёт, инфратузилма) инклюзивлигини ошириш камайтиради. Камбағалчиликни ижтимоий тенгсизликни юмшатиш сиёсати қисқартиради. Камбағалчиликни қисқартириш авлоддан авлодга ўтадиган камбағалликни тўхтатиб қолишдан бошланади. Бошқача айтганда бугунги камбағалларнинг фарзандлари камбағалга айланишини олдини олиш курашнинг ибтидоси бўлиши керак. Имтиёзли кредитлаш эса камбағалликка қарши кураш иллюзияси ва шовқинини яратади холос. Русчасига айтганда "подмена" бу. Кузатувчилардан бири айтганидек, имтиёзли кредитлаш камбағалчиликни нафақат қисқартирмайди, балки қайтанга кучайтиради ҳам.