Сўм курси бўйича хавотирларга ҳозирча ўрин йўқ Бугунги колл-аукционда сўм курси долларга нисбатан ўртача 20 сўмга мустаҳкамланган. Айни дамда сўм курси учун фундаментал иқтисодий рисклар мавжуд эмас. Ташқи техник рисклар, масалан, Украинага нисбатан юз бериши мумкин бўлган агрессия эҳтимоли оқибатларининг сўм курсига қандай таъсирда бўлиши ҳақида, АҚШ ва Европа иттифоқи санкциялар пакети аниқланмасдан ва амалда қўлланилмасдан туриб баҳо бериш жуда қийин.