Россия Марказий банки валюта билан боғлиқ чекловларни кундан кунга кучайтирмоқда Бундан буён резидент жисмоний шахслар ва норезидент жисмоний шахслар хорижга пул ўтказмаларининг ҳажми ойига 5 минг доллар билан чекланади. Чекловлар ўтказмаларнинг ҳар қандай тоифасига, хусусан халқаро пул ўтказмаларига ҳам таалуқли бўлади. Ҳозирча энг йирик пул ўтказма тизимлари Western Union ва Moneygram Россия бозорини тарк этиш тўғрисида қарор қабул қилмаган. Visa ва Mastercard Россияни тарк этиш қарори ва унинг оқибатларидан кейин, пул ўтказмаларида асосан шу икки тизим карталарига боғланган ҳолда амалга ошириб келингани инобатга олинса, халқаро пул ўтказмаларини, эҳтимолки, яқин кунларда фақат офлайн ўтказиш мумкин бўлиб қолади (банк ёки шохобчаларга ташриф буюрган ҳолда).