Монголияга виза олиш учун ўзбекистонликлар Москвага боришлари керак Анчадан буён Монголияга боришни орзу қиламан. Оғир совет ўтмишига ва худди биз каби стартдаги имкониятларга эга, икки тоталитар империя қуршовидаги бу мамлакат қандай қилиб очиқ демократия ва эркин бозор қура олгани менга жуда қизиқ. Қарангки, Ўзбекистон фуқаролари Монголияга виза олиш учун Москвадаги Монголия элчихонасига мурожаат қилишлари керак экан. Бунинг учун анкета, хорижий паспорт, фотография, иш жойи, стажи, даромадлари ҳақидаги маълумотлар, Монголия тарафидан таклифнома ва бориш-келишга авиачипта керак бўлиши айтилди. Солиштириш учун, масалан, қозоғистонликлар учун Монголияга 90 кунлик визасиз режим ўрнатилган. Ҳеч қанақа ҳужжат керак бўлмайди. Энг алам қиладигани, ҳатто қирғизистонликлар ҳам Монголияга визасиз бориши мумкин экан (90 кун). Буям майли, монголияликлар Ўзбекистонга визасиз. 30 кунгача келишлари мумкин. Лекин афсуски, ҳатто шунга мувофиқ паритет йўқ.