Ҳаж зиёрати учун квоталар эълон қилина бошлади Пандемиядан кейин илк бора бу йилги ҳаж мавсумида хорижлик зиёратчилар ҳам ҳаж амалларини адо этишлари мумкин. Лекин масалан 2019 йилги ҳаж мавсумида 2,5 миллион зиёратчига рухсат берилган бўлса, бу йилги мавсумда зиёратчилар сони 1 миллиондан ошмаслиги белгиланган. Қўшни мамлакатлар диний идоралари улар учун ажратилган квоталар сонини эълон қила бошладилар. Масалан, қирғизистонликлар учун 2766 нафар зиёратчига рухсат берилган. Тожикистондан эса 3 562 нафар зиёратчи ҳажга йўл олади. Россиянинг квота лимити ҳам кескин қисқарган. Аввалги йилларда 20 мингдан ортиқ россиялик ҳажга борган бўлса. бу йил россияликлар учун 11 318 ўрин ажратилган холос. Ҳаж зиёратига йўл олувчилар учун қатор чекловлар мавжуд, зиёратчиларнинг ёши 65дан ошмаган бўлиши зарур, COVID-19га қарши эмлаганликлик талаблари ва 72 соатлик ПЦР-тест талаблари ҳам амал қилади. Ўзбекистонда 2020 йил мавсумида ҳаж сафарига боришни режалаштирган фуқароларнинг навбати тўлиқ сақланган ҳолда кейинги мавсумларда ўтказилиши эълон қилинган эди.