​Трамвай ҳақида умидли ва унча умидли бўлмаган янгиликлар Яхши янгилик шуки, Тошкентда трамвай қурилиши 2023 йилдан бошланиши мумкин экан (ҳозирча ваъда). Туркия ва Чехиядан мутахассислар чақирилаётгани ҳам айтилган - буям аслида яхши хабар. Охирги 5 йилдаги репутацияси ҳаммага маълум Раматов ва Артикходжаев кабилар трамвай ишидан узоқроқ бўлишса ўзбекистонликлар фақат хурсанд бўларди. Яна бир янгилик унча хуш эмас. Трамвайни тикланишида Беларусь томони иштирок этиши мумкин экан. Менинг беларусь трамвайларига қаршилигим йўқ. Лекин юз миллионлаб долларга трамвайлар харид қилишда олдиндан бирон давлат билан ёпиқ эшиклар ортида келишиб олгандан очиқ халқаро тендер афзалроқ, балки арзонроқ ҳам тушади. Майли, бу тендерда руслар ҳам, беларуслар ҳам, чехлар ҳам, корейслар ҳам қатнашсин. Суратда Белкоммунмаш ишлаб чиқарган Беларусь трамвайи (санкцияларга тушмаган ҳали).